حسيت ده قبل كده ؟ موضوع جميل جدا

الموضوع دة عجبني اوي وحبيت انكم تشوفوه



عارفين الشعور ده..
عارف لما تفتكر حاجه كده بتشدك لذكريات انت مش عارف ايه الذكريات دى..
بتشدك لحاجه كده..
لحاجه انت مش عارفها
و ممكن تدخلك فى شعور كده غريب
حزن مع الم مع
فرحه عارفينه




عارف لما تسمع اغنيه كده وتلاقى نفسك بتبتسم من غير سبب..
بس جواك حزين اوووى ..
و تلاقى شعور بدأ يدخل جواك انت مش فاهمه
و تحاول تفهم ايه ده
بس انتا نفسك مش حاس بيه .







طيب عارف لما تروح تقف على البحر كده
وتاخد نفس عمييييق
بعديها تلاقى نفسك بتبتسم
بس جواك حاجه مش قادره تخرج
حاجه بتقطعك من جوه و مش عارف تتخلص منها




طيب عارفين ..

لما تبقى لسه صاحى من النوم..
اليوم لسه مبداش اهو..
ووانت على السرير لسه غصب عنك تنزل دمعه
ممكن تفضل ساعتين تعيط على المخده
(المخده اللى تعبت مننا وكل يوم يتحس بينا قبل ما نناموبعد ما نقوم)
و تقوم من على السرير و محدش يعرف حاجه

عارفين الاحساس ده؟؟




عارفين لما تكونوا اصحاب متجمعين فى يوم كده..
و كلكوا بتهزروا و بتضحكوا..
و اللى يشوفكوا من بعيد
يقول الناس دى رايقه ..
وحياتها تمام اوى
و انتوا اصلا بتضحكوا بدل ما تعيطوا !!
و محدش حاسس بحاجه..
و محدش فاهم حاجه ..
لا و ايه..
محدش هيقدر اصلا لا يفهم ولا يحس اللي جواكو..






طيب عارفين لما تكون الساعه 2 بالليل
و البيت كله نايم
بتبقى عايز تصرخ بأعلى صوتك
كفااااااااااااا ااايه ......حرااااااا ااااااااااااااا م
كفايه بقى...ما خلاص..
حرام عليكوا اوى كده
بس كفايه ايه؟؟
معرفش..
كفايه و خلاص




طيب عارفين الشعور ده ..
لما تكون راجع من يوم سبيشيل اوووووووووى بالنسبه ليك
و ترجع..متحكيش لحد من اللى فى البيت على اللى حصل
و يمكن متحكيش لحد خالص
و يمكن اصلا محدش يسالك
ولا يقولك تعالى يا حبيبى
عملت ايه
احكيلى ابسطنى معاك
تبقى عايز حد جنبك اووووى يفرح معاك كده
بس متلاقيش
و تروح قبل ما تنام تراجع اليوم ده كده
لقطات بسيطه
و فى ااخر يوم اجمل من رائع
و انت جاى تنام...تقعد تعيط
مع ان فى ناس كتييير يحسدوك على اليوم ده ..




طيب عارف ..
لما تحس انك عايز مساعده من اى حد
اى انسان
اى مخلوق
حاسس انت بتغرق
بتغرق فى ايه مش عارف
بس انت محتاج مساعده
محتاج حد ينجدك
مش عارف هتطلبها من مين
و حتى لو طلبت مساعده
هتتقوله ايه
عايزك تساعدنى و خلاص
هيرد و يقولك اساعدك فى ايه
تقوله حاسس انى بغرق
الحقنى
هيقولك بتغرق فى ايه
ما انت واقف قدامى اهو
انت محتاج مساعده
بس مساعده فى ايه انت مش عارف
و تفضل تغرق و مش لاقى مساعده







طيب عارفين بقى ..
لما تلاقى نفسك كده
عايش شعور جميل اوى
مع نفسك
انت بتحب جديد
انت عاااشق
بس اللى يضحك
مفيش حبيب
انت لوحدك!!
بتحب و خلاص
هو انت اااه بتحب
بس اللى بتحبه ده مش موجود
طيب هو فين
معرفش !!


حد فيكم حس الاحساس دة